Америкаар аялахуй.

Америкаар аялахуй.
НЬю-Йорк хот /The City of New York/ /үргэжлэл/ Рокфеллер Төв. /The Rockefeller Center/
Та бүхэндээ НЬю-Йорк хотын алдартай, жуулчид болон сонирхогчдын бүхий л улирлын туршид очиж сонирхох дуртай газрын нэг болох Манхеттенд байралдаг Рокфеллер төвийг танилцуулая.Уг төв нь манайхаар бол НЬю-Йорк хотын төв талбай нь бөгөөд 70 гаруй жилийн өмнө загварыг гаргаж барьсан Америкийн архитектурын сор бүтээл гэгдэдгээрээ дэлхий дахинаа алдаршсан байна. Рокфеллер Төв нь НЬю-Йорк хотын 48 ба 51-р гудамжны хооронд 22 акр талбайг хамарсан /89000метр квадрат/ худалдаа бизнесийн чиглэлийн 19 байшин бүхий цогцолбор юм. Уг төвийг Рокфеллерийн гэр бүлийнхэн байгуулсан ба Манхеттены 5 ба 6-р өргөн чөлөөний баруун төвийг хамардаг бөгөөд 1987 онд Үндэсний түүхэн үе гэж зарлагдсан байна. Энэ нь уран барилгын загварыг орчин үеийнхтэй хослуулан цогц болгосон уг төрлөөрөө дэлхийд хамгийн томд нь тооцогддог юм байна.Уг цогцолборын төслийг 1930 оноос эхэлсэн бөгөөд 1928 он гэхэд Колумбийн Дээд сургуулийн орчинг түрээслэн байрлаж төвөө дүүгийнхээ дурсгалд зориулан Джон Д.Рокфеллер гэж нэрэлсэн байна.Рокфеллер 1929 оны зах зээлийн хямралаас үүдэн байгуулах гэж байсан Дуурийн театрын цогцолбороосоо Метрополитений цогцыг хасч байсан байна.Тухайн үед Рокфеллер "Надад зөвхөн 2 л зам байсан, үүний нэг нь бүх л өргөтгөл, хөгжилтөөс татгалзах, нөгөөх нь зөвхөн өөрөө өөрийгөө санхүүжүүлж тодорхой зорилгод хүрэх л байсан юм гэж " байжээ.Тэр зөвхөн өөрөө санхүүг үүсгэх асар том ачааг үүрч Колумбийн орчноос эхний ээлжинд 24 жил, гэхдээ түрээсийг 3 удаа 21 жилээр нийтдээ 87 жилийн хугацаатай түрээслэн мөн компаний нийт даатгалыг түрээсийн хэлэлцээрээр хийх,нефтийн компанийн хувьцааг худалдах замаар зардлаа нөхөх оролдлого хийж эхэлсэн байна.Энэ төсөл нь орчин үед хувь хүн хэрэгжүүлсэн бүтээн байгуулалтын цогцолборын хамгийн том нь болсон байна.1930 оны 5-р сарын 17 нд Арт Декогийн загвараар 14 байшинг барьж эхлээд 1939 оны 11-р сарын 1 дууссан бөгөөд сүүлчийн барилга дээр "10 Рокфеллер Плаза" гэсэн мөнгөн цутгамал нэрийг өөрийн биеэр суурьлуулсан байна. Цогцолбор төслийн үндсэн бүтээн босгогч буюу "удирдан зохицуулагч " нь Джон Р.Тодда байсан бөгөөд нилээн хойно Нельсон Рокфеллерийн зөвлөх ба гэр бүлийн архитекторч болсон Раймонд Гуд нь тэргүүн архитекторч нь төдийгүй залуу Уоллес Гаррисоний бүлгийнхэн болон бусад гурван тэргүүлэх архитекторийн компанитай хамтран ажилласан байна. 1931 онд гэр бүлийн нэртэй зөвлөх Айви Ли анх цогцолборт "Рокфеллер Төв ' гэдэг нэр өгөхөд бага Рокфеллер нилээд цааргалсан боловч уг нэр олон түрээслэгчийг татах боломжтой юм гэж ятгасны эцэст зөвшөөрсөн байна. Сонирхуулахад уг төв нь 2-р дайны үер Америк дахь Британийн тагнуулын бүлэглэлийн /BSC/ болон HATO-гийн тагнуулын үйл ажилгааны төв байж байгаад хожим нь Төв тагнуулын алба байрлаж байжээ.Төв нь барилгын цогцолбор 2 хэсгээс бүрдэж байгаа бөгөөд 1930 оны албан байрны зориулалттай 14 хуучин ба үндсэн хэсэг мөн 1960 ба 1970-аад онуудад Хойт болон Өмнөд Америк өргөн чөлөөнд баригдсан олон улсын загвар бүхий 4 цамхаг бухий хэсгээс бүрдсэн байна. 1932 оны 12-р сард хөгжмийн ' Радио Хот ' нэртэй тухайн үедээ дэлхийд хамгийн томд тооцогдох гоёмсог театрийг байгуулж дууссан байна. Түүний анхны нэр нь 'Олон улсын хөгжмийн танхим ' гэж байсан боловч хөрш зэргэлдээ газруудтайгаа уялдуулан өөрчлөгдсөн байна.Уг хөгжмийн танхим нь гурван архитектурын компанийн цогцолбор төслөөр америкийн болон Европын барилгын дотоод засал чимэглэлийн орчин үеийн чиглэлийг тусган чулуун хана, багана, баримал,уран зураг зэргийг суурилуулан хийгдсэн бөгөөд 6000 хүний суудалтай ,хотын аялал жуучлалын асар том төв болсон байна.1978 онд түүний засал чимэглэлийг НЬю-Йоркийн түүх гэж зарласан бөгөөд 1999 оны сэргээн засварлалтын дараагаар энэ нь дэлхийд тэмдэглэгдсэн Арт Деко-гийн загварын хамгийн томд тооцогдох жишээ болсон байна. 1979 оноос театр ньзөвхөн кино нээлт болон урлагын тоглолтоос гадна тусгай арга хэмжээ мөн олон орны урлагын тоглолтуудыг зохион байгуулж байхаар өөрчлөгдсөн байна.70 жилийн турш жил бүр амралт жуулчлалын үер хөгжмийн шоу мөн Зул сарын баяраар театрчилсан тоглолт болон Фрэнк Синатра,Элла Фицджеральд, Грэмми ба Тони-ийн шагнал гардуулах ёслол зэрэг арга хэмжээнүүд зохиогдсоор ирсэн байна.Энэ дашрамд сонирхуулахад Хятадын жүжигчдийн тоглолт болон Зул сарын театрчилсан тоглолтыг уг театрт үзэх завшаан тохиосон бөгөөд үнэхээр гайхамшигтай байсныг мартахын аргагүй. НЬю-Йоркийн хамгийн алдартай аялал жуулчлалын үзэсгэлэнт газруудтай мөн урлагын том театр бүхий уг төвд ойролцоогоор 300 сая хүн зочлоод байгаа юм байна.Уг төвд байралдаг Дженерал Электроникийн цогцолбор нь 5-р авеню-гаас 3 хэсэгт тод харагддаг бөгөөд үндсэн нэг байшин нь гэхэд 70 давхар 872 фут /266 метр/ өндөр 30 Рокфеллер Плаза /'30Рок '/ юм байна.Уг барилга нь Чарльз С.Евветс-ийн 1932 онд 'барилгачид нь хамгаалалтын бүсгүйгээр төмөр хавтан дээр үдийнхээ хоолыг 840 фут-ийн /260 метр/ өндөрт идэж байгаагаар ' авсан алдартай фото зурагт мөнхөрсөн байна. Уг барилга нь 1980-аад оноос Дженерал Электроникийн дараа Рокфеллер төв гэсэн хуучин нэрээрээ нэрлэгдэх болсон бөгөөд Рокфеллерийн гэр бүлийн албан тасалгаа нь 54-56-р давхарт, алдартай ресторан клуб 'Солонго ' 65-р давхарт мөн тэнгэр баганадсан уг байшинд НЬю-Йоркийн студийн сүлжээ тухайлбал домогт 8Н болон "Хагас сайны шөнө " нэртэй шоуны байр,телевиз радиогийн нэгдсэн студиуд байралдаг байна. 1930 онд баригдсан Арт Декогийн загвараас ялгарах онцлог нь дээвэр нь хавтан шиг хавтгай учраас НЬю-Йоркийг 360 градусын хүрээнд дээрээс нь бүрэн харах боломж бүхий талбайг 2005 онд сэргээн засварлаж 67-70 давхарт байрлах түүхэн баримтыг өгүүлсэн жижиг үзэсгэнг сонирхох, тэндээсээ шат буюу лифтээр 20фут /6,1 метр/ давцан руу гарах боломжийг хангаж өгсөн байна.Уг байшин буюу Рокфеллер Плаза 30-ийн үүдэнд нь 1933 онд нэрт барималч Поль Маншипийн Грекийн домогт Титан Промотейгийн хэвтээ байрлалтай алтадсан хүрэл баримлыг байрлуулж ар талын чулуун ханан дээр нь " Промотей бүх урлагийн багш бөгөөд агуу төгсгөлийн билэгдэл болж хүн төрлөхтөнд галыг авчирсан " гэсэн утга бүхий иш таталыг бичиж байруулсан агаад өмнө нь мөнхийн гал асаасан нь жуулчид сонирхогчдын анхаарлыг ихэд татдаг юм билээ. Өмнөх талбайг нь зуны улиралд ресторан, өвөл нь мөсөн гулгуур болгон ашигладаг юм билээ.Уг талбайг бүх талаас нь дээрээс ажиглаж болох 2 тал руугаа шат бүхий давцанг хийж түүнийхээ эргэн тойронд сонирхолтой дүрс, баримал мөн Америкийн болон НҮБ-ын гишүүн орнуудын далбааг байрлуулсан байна лээ.Мөн уг байшингаас 5 авеню хүртлэх богино гудманд голоор нь бут, зүлэг бүхий чулуун хашлагатай жижиг цэцэрлэгтэй бөгөөд эхэнд нь барималч Ли Лауриегийн бүтээсэн баримал болон Зул сарын баярын үеэр төмөр утсаар урласан 'Охин Бурхад '-ын гэрлэн дүрсийг байруулдаг юм билээ. Рокфеллер төвийн урьд талд нь анх 1931 оноос Зул сарын гацуурыг байрлуулж 1933 оноос гэрэл асаах ёслол хийж эхэлсэн бөгөөд уг гацуурын өндөр,гэрлэн чимэглэлийн цар хүрээ жилээс жилд өөрчлөгдөн солигддог болсон байна. Зул сарын гацуурыг 1936 онд дуулдагаар, 1936 онд мөсөн гулгуурын талбайг нээсэнтэй уялдуулан 70 футын 2 гацуур чимж байсан байна.2-р дайны жилүүдэд 1941-1944 онуудад гэрлэн чимэглэл хийгдээгүй мөн 1949 онд 76 футын гацуурыг цасанд дарагдсан мэтээр цав цагаан болгон чимэглэж байсан байна. Зарим жил гацуураа Канадаас болон холоос тээвэрлэх асуудал гарч байсан байна.1980 онд 65 футын өндөртэй шигүү гацуур луу хүн авирч тэр дороо баригдаж байсан баримт байна.1993 оны гацуурыг 30000 гэрлээр чимэглэж байжээ.1999 онд 100 футын өндөр гацуу, ,2004 оны гацуурт анх удаа 25000 кристаллаас бүтсэн Шваровскийн одыг ашиглаж дээд зэргийн гэрэлтүүлгийг хийж чадсан байна.Энэ үеэр НЬю-Йоркт ирдэг жуулчид болон сонирхогчдын тоо эрс нэмэгддэг бөгөөд гацуураа шинэ оны эхээр хураадаг юм билээ.Жил бүр Рокфеллер төвийн эсрэг гудамд байрлах том байшингийн гадна талын гэрлэн чимэглэлээр 10-15 минут тутамд аялгуу тоглуулдаг нь хүмүүсийн анхаарлыг их татдаг юм.Та энэ үеэр НЬю-Йоркт жуулчилбал дээрхи төвийг үзэж сонирхохоос гадна шинэ оноо Broadway-н гудман дахь алдарт Times Square дээр угтах боломжтойг анхаараарай. Уг төвийн талаар та илүү их мэдээлэл авахыг хүсвэл дараахь WEB-ээр аялаарай. / үргэлжлэл байгаа / Наваан. NY
www.rockefellercenter.com

Америкаар аялахуй.

Америкаар аялахуй.
НЬю-Йорк хот /The City of New York/
АНУ-ын НЬю-Йорк хот нь Атлантын далайн эрэг дээрхи НЬю-Йорк штатын зүүн хойт хэсэгт байралдаг хүн амын нягтралаараа Америктаа дээгүүр ордог 2007 оны байдлаар 8,3 сая орчим хүнтэй, нийтдээ 790 квадрат км талбай бүхий дэлхийн том хотын нэг юм байна. Засаг захиргааны хувьд Манхэттен, Бронкс, Бруклин, Квинс, Стейтен-Айленд гэсэн 5 дүүргээс бүрддэг дэлхийн худалдаа, санхүү, соёл урлаг, зугаа цэгээний талбарт хүчтэй нөлөө бүхий тэргүүлэх хот бөгөөд цагаачид ихтэй, хүн амын 36% нь гаднаас ирсэн 170 гаруй хэлээр ярьдаг судалгааг гаргасан байна. НЬю-Йорк хотын хүн ам нь нийтийн тээвэр ашиглалтаараа Америктаа алдартай бөгөөд зөвхөн метро нь гэхэд 24 цагаар ажилладаг зэргээс 'Унтдаггүй хот ' гэж нэр авсан байна. НЬю-Йорк хотын түүхийг сөхөе.Уг хот нь 16-р зууны эхэнд голландын булаан эзлэгчдээр үндэслэгдсэн гэдэг бөгөөд анхны НЬю-Йорк-Вей-д 1524 онд хөл тавьсан хүн нь Францд алба хааж байсан итали гаралтай далайчин Джованни да Верразано ,1609 онд Гудзон голыг судлахаар Генри Гудзоны усан онгоцны баг буусан ба 1613 онд Манхеттен аралд өвөлжсөн далбаат онгоцтой голланд Адриан Блок нар юм байна. НЬю-Йорк хотын нутаг дэвсгэр дээр европчууд бий болохооос өмнө Манахатоу ба Канарси овгийн улаан арьстнууд /индианууд/ амьдарч байсан ул мөр тухайлбал Индуд-Хилл-Парк болон Риверсайд-Паркийн урьд нь хөндөгдөөгүй газраас нь нум,сумны үзүүрүүд мөн бусад олдворуудаар нотлогдож иржээ.Хамгийн сонирхолтой нэгэн мөчийг дуулгахад голландчууд Манхеттенийг үнэгүй шахам нутгийн америкчуудаас 25$ -оор худалдан авсан байж магад гэж дурссан байдаг байна.1624 онд голландын Зүүн Индий нь өөрийн эзэмшилийг Шинэ Нидерландад /сүүлд НЬю-Йорк/ тогтоосон бөгөөд 1625 онд Манхеттений өмнөт хязгаарт Шинэ Амстердам нэртэй голландын худалдааны нэвтрүүлэх цэгийг байгуулсан боловч дараагийн жил хүртэл тогтворжиж чадаагуй байна.17-р зууны дунд үеэс Манхеттен арлыг бүрэн эзэмшсэн бөгөөд Стейтен-Айланд ба Квинс, Бруклин, Бронкс зэрэг т эзэмшлээ тогтоож эхэлсэн байна.1664 онд английн хөлөг онгоцныхон хотыг эзлэх үед ямар нэг эсэргүүцэлтэй тулгараагүй бөгөөд гүн Йоркскийн нэрээр НЬю-Йорк гэж нэрэлдэх болсон бөгөөд улмаар губернатор болсон Птер Стювесант Англичуудийн эзэмшилд алдсан боловч голландчууд хэдэн жилийн дараа эргүүлэн авсан ч 1674 онд Вестминтерийн тухай Гэрээг үндэслэн Англичуудад буцаан өгсөн байна. Хот өргөжин тэлэхэд эрэг орчмын гол ба далайн худалдааны бүхий л үйл ажиллагаа ихээхэн үүрэг гүйцэтгэсэн бөгөөд НЬю-Йорк нь Америкийн хувьсгал гарахад гол түлхэц газар нь байсан байна.1776 онд Лонг-Айлендад болсон тулалдааны дараа хувьсгалын төгсгөл хүртэл британчуудад эзлэгдсэн байна.1785-90 онуудад Америкийн конгресс НЬю-Йоркд цугларч байсан ба 1789 онд Джордж Вашингтон энд анхны Америкийн Ерөнхийлөгч гэдгээр зарлагдаж байсан байна. 1811 онд нийт Манхэттенийг хамруулсан гудамж, талбайн сүлжээг өргөтгөсөн алсын хараатай ерөнхий төлөвлөгөөг гаргаснаар 1835 он гэхэд Филадельфиг гүйцэж АНУ-ын хамгийн том хот болсон байна.Хамтын ажиллагаа үргэжлэн өсч байсан бөгөөд 1825 онд Эригийн суваг нээгдсэнээр Баруун тийшээ том зах зээл нээгдэж НЬю-Йорк нь бүтээгдэхүүний бирж,банк санхүүгийн харилцаа, далайн болон аж үйлдвэрийн боловсруулалтын даатгал зэргийн асар том төв болж хувирсан байна. Иргэний дайны үед Өмнөдийн худалдааны холбоо болон цагаачдын эрс өсөлт зэргээс Холбооны тал,Бүгд Найрамдахын хооронд хагарал үүсч энэ нь Америкийн түүхэнд байгаагүй иргэний нийгмийг хамарсан эмх замбраагүй байдал 'Тэмцэгчдийн дуу хоолой'-н дор дээд цэгтээ хүрсэн байна. Түүний чацуу Герман ба Ирландийн цагаачид маш олноороо ирэх болсон байна.19-р зууны төгсгөл гэхэд дорнот ба өмнөт Европ болон Хятадын цагаачдаар хотын хүн ам нэмэгдсэн байна.Манхэттен нь Бронкстой 1874 онд бусад газар нутаг нь 1895 онд нэгдсэн байна. 1898 онд шинэ хуулийн төслөөр Их НЬю-Йорк нэртэй нэгдсэн нэгжтэй болсон байна.Манхэттен ба Бронкс нь нутаг дэвсгэрээ өргөжүүлэн нийт НЬю-Йоркийг хамарсан бөгөөд Бруклин нь Бруклин хот,Кингсийн зүүн хэсгийн хэд,хэдэн дүүргийг хамарсан байна.Квинсийн дүүрэг нь Квинсийн тойргийн баруун хэсэг болон хэд, хэдэн жижиг хот,суурин мөн Лонг-Айленд хот,Асторию,Флашинг , Статен-Айлендийн дүүрэг нь Ричмондын тойрогийг бүхэлд нь хамарсан байна.Жилийн дараа Квинсийн тойргийн нутаг дэвсгэр Нассо /Nassau/ тойрог болсон байна. Цагаачдын урсгал улам их нэмэгдэхийн хирээр хот өргөжин тэлж арлуудыг нэгтгэн холбох нөхцөл бүрдүүлэх зорилгоор 1898 он гэхэд хотыг 5 дүүрэгтэй болгож 1883 оноос гэхэд Бруклиний гоёмсог гүүр болон бусад гүүрийг барих ажиллагааг эхлүүлсэн байна. 1904 онд хороолол дундын метроны систем байгуулах ажлыг эхлүүлсэн бөгөөд дүүргүүдийн цогцолборуудын нийтийн тээврийн сүлжээ бүтэц нь өнөөдөрийнхөөр бий болсон байна. 1914 онд Бронксийн тойргийг бий болгосноор НЬю-Йоркийн тойрог нь нэг Манхэттений хэмжээгээр багассан байна. Нутаг дэвсгэрийн хүрээг тэлж томруулах явц 1932 оноос эрчимтэй эхэлсэн бөгөөд Дэлхийн 2-р дайны үеэр ба дараа нь өмнөт мужуудаас хар арьстан цагаачид ихээр нэмэгдсэн төдийгүй Карибын тэнгисийн орчим болон Латин Америк, Пуэрто-Рико зэрэг газруудаас ихээр орж ирсэн байна. 20-р зууны эхний хагаст хот аж үйлдвэрийн болон худалдаа,холбооны дэлхийг хамарсан төв болсон байна.НЬю-Йоркийн тэнгэр багандсан өндөр байшингуудыг 1930-аад оноос барьж заримыг нь ашиглалтанд оруулсан ба дэлхийн 2-р дайны дараа НЬю-Йорк нь дэлхийн тэргүүлэгч лидер хот болсон бөгөөд Нэгдсэн Үндэсний Байгуулгын төв байрыг байгуулсан нь улс төрийн давцанд нь чухал алхам болжээ. Үүнтэй нэг зэрэг хүн амын зарим хэсэг нь хотын зах руу шилжсэнээр хүн амын тоо аажмаар буурч эхэлсэн байна. 1970-аад онд аж үйлдвэр болон худалдааны өөрчлөлт, мөн гэмт хэргийн өсөлт зэргээс нийгэм ба эдийн засгийн хямрал нүүрэлж эхэлсэн бөгөөд 1980-аад онуудад өсөлт үл мэдэгхүйц нэмэгдэж эхэлсэн нь 1990-ээд онд асар эрч хүчээр солигдсон байна.НЬю-Йорк хотын хүн ам түүхэндээ анх удаа 8 саяд хүрсэн нь цагаачдын өсөлт, гэмт хэрэг нилээд хэмжээгээр буурсан,арьс өнгөөр ялгаврлах үзэл нилээд зөөлөрсөн зэрэгтэй холбоотой юм байна. Энэ нь хотын үл хөдлөх хөрөнгийн үнэ өсөхөд нилээн нөлөөлсөн байна. 2001 оны 9-р сарын 11-ний зэрлэг халдлаганд Вашингтон, Нью-Йорк хотууд өртсөнөөс НЬю-ИЙоркийн 'Ихэр-Цамхаг " дэлхийн худалдааны төвийг нурааснаас үүдэлтэй гал түймэр, утаа униар нуринган дороос нь хэдэн сарын турш уугисан бөгөөд цэвэрлэх ажиллагаа санаснаас хурдан дууссан гэж тэмдэглэгдсэн байнаа.Одоо уг суурин дээр дэлхийд хамгийн өндөр 532,8 м 'Эрх чөлөөний цамхаг ' барихаар ажиллаж байгааг тэр хавиар явах үедээ харж сонирхох боломжтой юм байна лээ. НЬю-Йоркийн хамгийн өндөр цэг нь Статен-Айлендад байдаг 125 м өндөр Тодт-Хилл бөгөөд хамгийн уудам, дов гүвээ ихтэй сийрэг хүн амтай хэсэг нь юм байна.Харин нь Манхэттен болохоор тэнгэр багандсан болон шигүү баригдсан өндөр байшин ихтэй, газар нь гэхэд гудамж замаар хязгаарлагдмал хүн амын нягтралтай юм. АНУ-ын албаны мэдээгээр бол хот 1214,4 квадрат км бөгөөд үүний 785,6 квадрат км нь хуурай газар, 428,8 квадрат км /35,31% /нь ус юм байна.НЬю-Йоркийн цаг агаар нь ялангуяа өвөл нь эх газар талаасаа ирдэг сэрүүн агаарын урсгалын нөлөөгөөр эрс тэс,чийлэг байдаг байна.2000 оны байдлаар НЬю-Йорк 8 сая гаруй хүнтэй, үүнээс 1,8 сая айл, 3,01 гэрийн ажилтай хүмүүс, эдгээрийн 29,7% нь 18-аас доош насны хүүхэд, 19,1% нь өрх толгойлсон эмэгтэйчүүд, 9,9% нь 65 буюу түүнээс өндөр настай ганц бие хүмүүс байдаг байна.Сонирхуулахад хотын хүн амын 24,2% нь 18-аас залуу, 32,9% нь 25-44, 21,2% нь 45-64, 11,7% нь 65 буюу түүнээс дээш насныхан, хүн амын нягтрал нь 1квадрат км газарт 10194, хотын хүн амын бүрэлдэхүүн нь 44,66% нь цагаан, 26,59% нь африк гаралтай америкууд, 0,52% суурь америкууд /индианчууд/ 9,83% нь ази-ууд, 0,07% номхон далайн эрэг хавьцаа газраас суурьшсан хүмүүс, 13,42% нь бусад үндэстэн, 4,92% нь ястан ,26,98% нь латин америк гаралтай юм байна. НЬю-Йорк нь АНУ-ын аж үйлдвэрийн олон салбарын болон НЬю-Йорк Хөрөнгийн бирж//, Насдау//, Америкийн Хөрөнгийн бирж//, НЬю-Йорк Худалдааны бирж//, НЬю-Йорк Худалдааны Зөвлөл// зэрэг санхүүгийн төв нь бөгөөд Манхэттений доод хэсэгт Уолл-стрит-д төвлөрсөн байна. НЬю-Йорк нь Голливуд шилжихээс өмнө анхны америкийн кино үйлдвэрлэгчдийн төв байсан бөгөөд одоо ч гэсэн кино болон теле нэвтрүүлгүүд эндээс хийгддэг байна. Мөн НЬю-Йорк нь АНУ-ын загварын ертөнцийн нийслэл гэгддэг бөгөөд энд олонхи загвар зохион бүтээгчдийн төв болон хэвлэлийн төвүүд байралдаг байна.Хэрэв та АНУ-ын хамгийн их нягтралтай НЬю-Йоркд ирвэл уран бүтээл,үрлаг соёл, түүх, шинжлэх-үхаан ба техник гэх мэт НЬю-Йоркийн эргэн тойронд байдаг хамгийн сонирхолтой дэлхийд алдартай газруудыг үзэж сонирхох боломжтой юм.Заримаас нь товч дурдахад: Эрх Чөлөөний Хөшөө-энэ хөшөө нь 1886-нд боссон, Францын ард түмнээс Америкийн ард түмэнд найрамдал эв нэгдлийн билэгдэл болгон гэрээслэн үлдээсэн бүх нийтийн ардчилал эрх чөлөөний илэрхийлэл болсон байна. Эллисийн арал-энэ арал нь НЬю-Жерси-ийн эрэгт ойрхон байралдаг 1892 онд нээгдсэн НЬю-Йорк-Харборийн жижиг арал бөгөөд үндэсний цагаачдын нэвтрэх цэг байсан байна. Times Square- энэ нь НЬю-Йорк орчмийн нилээд сонирхолтой, Бродвау болон Долдугаар авеню 2-ын огтлолцол дээр байдаг Манхэттений гол зах зээлийн баруун тал бөгөөд зарлал,рекламын гэрэлт самбаруудтай, театр болон музей, ресторан, бар, дэлгүүрүүдтэй хамгийн алдартай газруудын нэг юм. Төв Цэцэрлэгт Хүрээлэн-энэ нь НЬю-Йоркийн Манхэттен дүүрэгт байралдаг хамгийн том нийтийн цэцэрлэгт хүрээлэн бөгөөд АНУ-даа хамгийн алдартай ерөнхий орчинг нь олон кино болон телевизийн программд харуулсан байна. Гэгээн Патрикийн Сүм -энэ сүм нь цагаан гантиг чулуугаар өнгөлөгдсөн барилгатай, римийн католик епархиитай барилдлагаатай Нео-Гофик хэлбэрийн загварын дараахьбөгөөд Америкийн хойт хэсгийн католик шашинтнуудын дүрсээр чимэглэгдсэн асар том сүм юм билээ.Метрополитен- уран зургийн музей нь 2 сая гаруй үзэсгэлэнгээрээ европын баримал, уран зураг, Египтийн цутгамал баримлууд, грек-киприотийн эд зүйлс, ислам,ази ба африкийн соёл урлагийн бүтээлүүдийг толилуулсан байна. Бруклингийн гүүр- энэ гүүр нь НЬю-Йорк орчмийн хамгийн их сонирхол татах газрын нэг бөгөөд 19-р зууны инженерүүдийн агуу бүтээл болсон байна.Энэ алдартай гүүр нь Бруклинг Ист-Ривер дэхь Манхэттений доод хэсгийг холбодог 1,5 км урт юм байна. Хятад Хот-энэ нь Манхэттений зүүн хэсэгт байралдаг олон тооны хятадууд суурьшсан америк тивийн хамгийн том Хятад хот юм. Энд хятад болон вьетнам, филиппин, Бирма ба пуэрторикан зэрэг цагаачид болон жуулчдын ирэх дуртай газар юм. Empire State Building- Империя Стейт Билдинг нь 1971 онд Дэлхийн худалдааны төв баригдах хүртэл 1931 оноос дэлхийн хэмжээнд хамгийн өндөр барилгад тооцогдож байсан байна. Уг барилга нь Америкийн иргэний барилгын инженерийн бүтээлээр орчин үед дэлхийн долоон гайхамшгийн нэгээр нэрлэгдсэн байна.
НЬю-Йорк хотын гол зүйлийг маш товчхон дурдахад ийм байна. Дараа, дараагынхаа цувралаар сонирхолтой олон сайхан газруудын тухай таны сонорт хүргэхийг хичээх болноо.Та илүү их мэдээлэл авахыг хүсвэл дараахь хаягаар хандаарай. www.ny stste New York City /үргэлжлэл байгаа/ Наваан, NY