Америк-д зорчсон тэмдэглэлээс. /үргэлжлэл

Америк-д зорчсон тэмдэглэлээс. /үргэлжлэл/

Вашингтон ДC-гийн музейн цогцолбор. / The National Mall. Washington DC/

Смитцоновын үнэ төлбөргүй музейн цогцолборыг 2 ч удаа үзэх боломж олдож дэлхийд гайхагдах үзмэрүүдийг үзэж биширч явснаа дурсан та нартайгаа сэтгэгдлээ хуваалцаж байгаадаа баяртай байна.Энд байгаа музей,галлерей бүр нь өөрийн гэсэн онцлогтой , талбай томтой жуулчид үзэгчдийг уйдаахгүйн дээр давтагдашгүй үзмэрүүдтэйгээрээ гайхамшигтай санагдсаан.Танд нэг зүйлийг анхааруулахад уг цогцолборийн бүх музей үүдэнд таны гар цүнхийг нарийвчлан үзэх ба тусгай хаалгаар оруулан шалгах болно шүү. Тэгээд та мэдээлэлийн цонхноос танилцуулгаа авснаар таны аялал эхлэх болноо. Тухайлбал Америкийн Үндэсний нисэхийн ба сансарын музей нь 2007 онд 31 дэхь жилээ ажиллаж байгаа бөгөөд 2 давхар, зарим нисэх онгоц, пуужин , саранд буусан Аполло-11-ийн удирдлагийн хэсэг гэх мэт 50 гаруй үзмэрүүд нь бодит хэмжээгээрээ тавигдсан нь сонирхсон хүмүүс дотор нь орж үзэх боломжтой юм байна лээ.Энд нисэхийн түүхийг нислэгийн алтан үе,анхны нислэгүүд болон анхны нисэх төхөөрөмж түүний түүх, тээвэр жуулчлалын нислэг, пуужингийн хөгжил болон түүх, сансар судлал болон түүний хөгжил ,саранд ниссэн тухай ,нислэгийн өнөөгийн дүр төрх болон хэтийн төлөв, тэнгисийн нислэгийн хөгжил, дэлхийн 2-р дайны үеийн нисэхийн тухай болон тэр үеийн домогт нислэгүүд, тухайн үеийн дурсамж зэрэг маш сонирхолтой материалууд,,макет , үзмэрүүдтэй юм байна лээ.Мөн та 2-р давхарт байрлах Алберт Эйнштейний планетерт зөөлөн сандал дээр тухлан 20 минутийн турш сансар огторгуйгаар аялах боломжтой юм байна лээ. Тэнд бас дэлхий,гариг болон одон орны талаар ихээхэн мэдлэг олгох хэсэгтэй ба телескоптой та танилцах боломжтой.Энэ музейн цогцолборт Смитцоновийн нисэхийн ба сансарын талаархи цуглуулгийн 10 орчим хувь нь л байдаг байна.Бусад хэсэг нь өөр,өөр газар байдаг ба нэг хэсэг нь Стевен Ф.Удвар-Хазы -ийн төв музейд байдаг бөгөөд Виржина-д / Parkway Charittilly / байдаг байна. Мөн та музейн дэлгүүр болон хоолны газраар үйлчлүүлэх боломжтойг анхаараарай./үргэлжлэл байгаа/ Наваан