Америкаар аялахуй.

Америкаар аялахуй.
Вашингтон ДС-гийн музейн цогцолбор./Neighbors to the President /
"Ерөнхийлөгчийн хөршүүд "нэртэй цогцолбор
Өмнө өгүүлсэн Смитсониан музейн цогцолбор нь Конгрессийн ордон болон түүний номын сан, ботаник цэцэрлэгээс баруун талд Вашингтон Цамхаг-ын зүүн талд нь байралдаг юм билээ. Манайхан Вашингтонд ирээд хамгийн түрүүнд ирдэг газар бол энэ бөгөөд мөн Америкчүүдийн баяр ёслолоо тэмдэглэдэг бусад томоохон арага хэмжээнүүд ,тоглолтууд болдог талбай зэрэгтэй танилцдаг билээ.
Харин одоо танилцуулж байгаа "Ерөнхийлөгчийн хөршүүд цогцолбор " энэ талбайгаас холгүй баруун хойт талд нь байрлах Цагаан ордны ойролцоо байдгаараа онцлогтой юм билээ. Хэрэв та чөлөөт цагаараа уг цогцолбор дахь музейг үзэх бусад сонирхолтой газруудын талаархи мэдээлэл ,танилцуулгыг авмаар байвал Дэлхийн худалдааны төв нэртэй байшинд байралдаг Вашингтоны мэдээлэлийн төвөөр зочилон бүх танилцуулгыг үнэ төлбөргүй авхаас гадна түүхэн сэдэвтэй бичлэгийг тухалан сууж үзэх боломжоор хангагдсан байдаг юм байна лээ.Мөн та хүссэн мэдээлэлээ компютерээс авах боломжтой шүү.
"Ерөнхийлөгчийн хөршүүд " цогцолбор нь Цагаан ордны хөрш болох Америк уран барилга, гар урлал, чимэглэх урлаг , уран зураг буюу түүхэн материалын цуглуулгыг нэгтгэсэн музейн нэгдэл юм байна лээ. 1987 онд байгуулагдсан уг цогцолбор нь гишүүдийнхээ санаачилгаар түүхэн болон соёлын чухал үнэ цэнийг сурталчилан хамгаалах үйл ажиллагааг удирдан чиглүүлж байдаг байна.
/www.neighborstothepresident.org./ Уг цогцолборт Дотоод яамны музей /Depatment of the Interior Museum /, Америкийн уран зургийн музей / Art Museum of the Americas/, Америкийн хувьсгалчдын охидын музей /DAR Museum / , Америкийн Улаан Загалмайн нийгэмлэгийн сонирхогчдын төв /American Red Cross Visitors Center/, Коркоран-ын уран зургийн галлерей /Corcoran Gallery of Art /, Остаган буюу Америкийн уран барилгын үүсэл хөгжлийн музей /The Octagan/ , Эйзенхаурын захиргааны байшин /Eisenhower Executive Office Building/, Ренвик галлерей /Renwick Gallery/ , Үнэт цаасны газрын байшин /Treasury Building /, Цагаан ордон /White House /, Цагаан ордны сонирхогчдын төв /White House Visitor Center/ зэрэг ордог байна.Энэ цогцолборын ихэнх музей нь үнэ төлбөргүй бөгөөд төлбөр нь 5 доллараас хэтрэхгүй юм байна лээ.
Үнэт цаасны газрын байшин /Treasury Building/ нь Вашингтон ДС дэхь нилээн дээр үеийн Яамдын байшинд тооцогддог 1869 онд баригдсан эртний Грекийн /Greek Revival/ гантиг чулуугаар хийгдсэн онцлогтой юм байна. Вашингтон Цамхагын загварыг гаргасан архитекторч Роберт Миллс /Robert Mills /- ийнхээр бүтээгдсэн бөгөөд 1972 онд үндэсний түүхийн дурсгалт өв гэж тунхаглагдсан байна.
2001 оны 9-р сарын 11-ний үйл явдлын дараа нийтийн экскүрс хийхийг зогсоосон байна.Гэхдээ та уг байшингийн талаар бодит экскүрст хамрагдах боломжтой бөгөөд дараахь WEB -ээр аялахад л хангалттай юм байна. /www.teas.gov/curator.
Энэ экскүрс танд шинэчлэн засварлагдсан 1864 оны Бурглар-Прооф Ваулт /1864Bulglar-Proof Vault / ба Кассны өрөө мөн гантигаар хийгдсэн ванкны 2 давхар өрөөтэй танилцах болно.Мөн энэ экскүрсээр одоогоор 1860 оны үеийнхээр засварлагдсан, Иргэний дайны үед тус газрын даргаар ажиллаж байсан Салмон П.Часэ /Salmon P.Chase/ ба Абрахам Линьколн /Аbraham Lincoln/-ийг алагдсаны дараа хэсэг хугацаанд Ерөнхийлөгчөөр ажиллаж байсан Андрей Жонсон зэрэг хүмүүсийн ажлын өрөөнүүдтэй танилцах боломжтой юм байна. Өнөөдрийн байдлаар энэ байшинд Үнэт цаасны газрын удирдлага байрладаг байна. Дашрамд дурдахад уг байшинг үзэх санаатай очоод буцаж байсан минь ийм л учиртай байсан юм байна лээ./үргэлжлэл байгаа/ Наваан