Америкаар аялахуй.

Америкаар аялахуй.
Bашингтон ДС-гийн музейн цогцолбор./Neighbors to the President /
Цагаан Ордон /Tne White House/
Цагаан Ордон нь Америкийн Нэгдсэн Улсын нийслэл Вашингтон ДС-гийн төвд хамгийн нэрд гарсан хаяг болох Колумби тойрогийн Пенсилвани-абеню 1600-д байралдаг эртний төрийн ордон юм.Цагаан ордон нь 1789-1797 онуудад Ерөнхийлөгч байсан Джордж Вашингтоноос бусад бүх Ерөнхийлөгчдийн албан ёсны байр нь юм. Цагаан Ордны загварыг 1792 онд Джемс Хован гаргаж 1800 оны 11-р сарын 1-нд ажиллагаанд орох үед тус орны Ерөнхийлөгчөөр Джон Адамс ажиллаж байсан бөгөөд 1814 онд англо-америкийн дайны үед анличууд галдан шатаасныг дараагаар засварлан сэргээсэн байна.Сүүлийн 200-гаад жилийн турш Цагаан Ордон нь дэлхий дахинаа Америкийн Ерөнхийлөгчдийн билэгдэл нь болж үндэстний түүхэн үйл явдлын тод томруун жишээ нь болсон байна. Энд Ерөнхийлөгч олон улсын төрийн болон үндэсний асуудлыг шийддэг хуралдаан хийдэг бөгөөд шинэ хуулиудад гарын үсэг зуран баталгаажуулдаг байна. Цагаан Ордон нь өмнө нь үзэхийг хүссэн хүн бүрийн өмнө нээлттэй байсан боловч 2001 оны 9-р сарын 11-ний үйл явдлаас хойш хаалгаа хаасан бөгөөд зөвхөн Цагаан Ордныг сонирхогчдын төв нэртэй үзэсгэлэнд зочилох боломжтой болсон байна. Миний бие энэ төвөөр зочилж Цагаан ордны талаар мэдсэн зүйлээ та нартайгаа хуваалцаж байгаа маань энэ билээ. Цагаан Ордон гадна талаасаа өндөр биш 2 давхар цагаан зуугаад жилийн түүхтэй моднуудын сүүдэр тусах өргөн ногоон талбайд байралдаг хагас тойрог хэлбэртэй баганаар чимэглэгдсэн харш юм билээ. Америкт ирсэн монголчууд болон олон орны жуулчид Цагаан Ордныг гадна талаас нь сонирхон үзэж гоёмсог хүрэл хашааны гадна талд уг харшийн хамт дурсгалын зураг татуулдаг уламжлалтай билээ. Бид ч мөн энд боломжоороо патиараа татуулсаан. Энэ алдартай харшыг тодотгож өгч байгаа ногоон талбайг классик маягаар 1935 оноос Olmsted Brothers компаний тогтоосон стандартаар засч торддог байна. Цагаан ордны зүүн талын Дж.Кеннеди-гийн цэцэрлэгт хүрээлэн /Jacqueline Kennedy Garden / баруун талын Сарнайн цэцэрлэг / Rose Garden/ зэрэг нь хуулийн төсөлд гарын үсэг зурах ба албан ёслол үйлдэхэд зориулагдсан байна. Та бүхэн энэ цэцэрлэгт хүрээлэнгүүдийг ТВ мэдээгээр олонтоо харсан байхаа гэж бодож байна. Энэ талаар илүү их бодит мэдээлэлийг дараахь WEB-ээс аваарай./www.whitehouse.gov/u Цагаан Ордон нь нийтдээ 6 давхар бөгөөд дээд талын 2 давхарт Ерөнхийлөгчийн амьдардаг өрөөнүүд ,ажлын кабинет ,мөн Ерөнхийлөгчид дэлхий дахины үйл явдлыг илтгэж байдаг алдартай зуувин өрөө байдаг байна. Дунд талын 2 давхарт Өрнөдийн өрөө, Ногоон өрөө, Цэнхэр өрөө, Улаан өрөө ба тусгай хүлээн авалтанд зориулсан хоолны газар мөн алтадсан өрөө /Vermeil Room/, шаазан өрөө /China Room/,диплoмат хүлээн авалтын өрөө гэх мэт байдаг байна. Мөн энд зөвхөн Америкийн зохиолчдын гараар бичигдсэн түүх, уран зохиол, хүмүүсийн амьдрлын түүх ,шинжлэх ухааны эрдэм шинжилгээний бүтээлүүд бүхий номын сан байдаг байна. Эдгээр өрөөнүүдийг Ерөнхийлөгч болон Тэргүүн хатагтай нар бусад орны төрийн тэргүүн мөн зочид хүлээн авахад ашигладаг байна. Доод давхарт хүлээн авалтын өрөө, хэвлэлийн бага хурлын өрөө, Ерөнхийлөгчийн хамгаалалтын албаны өрөө зэрэг байдаг байна. Харшийн ар талд байрлах том биш цэцэрлэгт хүрээлэн ба ногоон талбайд Ерөнхийлөгчийн нисдэг тэрэг буудаг байна./үргэлжлэл байгаа/ Наваан