Америкаар аялахуй.

Америкаар аялахуй.
Bашингтон ДС-гийн музейн цогцолбор./Neighbors to the President /
Ерөнхийлөгчийн Цэцэрлэг ба Цагаан Ордны Сонирхогчдын Төв./President's Park / White House Visitor Center/
Ерөнхийлөгчийн Цэцэрлэг /President's Park/
Ерөнхийлөгчийн Цэцэрлэг нь 30 гаруй га талбайг эзэлдэг бөгөөд Цагаан Ордон ба Анхны Дайчдын Дурсгалын Хөшөө, Лафауетте Цэцэрлэг, Шерман Цэцэрлэг, Еллипсе зэрэг багтдаг байна. Ерөнхийлөгчийн Цэцэрлэг нь 2 жимтэй бөгөөд нэг нь Цагаан Ордны өмнө зүг рүү, нөгөө нь хойт зүг рүү чиглэдэг байна. Танд энэ цэцэрлэгээр нэг ороод гарахад юуны өмнө идэвхитэй амралт болох бөгөөд Америкийн түүх болон үндэстний бүрэлдэн тогтоход ихээхэн үүрэг гүйцэтгэсэн хүмүүсийн дурсгалын хөшөөтэй танилцах боломж олгоно гэдгийг битгий мартаарай. Энэ 2 зам нь хоёулаа Пенсилвани-авеню 1400-д байрлах Цагаан Ордны Сонирхогчдын Төвөөс эхлэх бөгөөд энэ аялал нь үнэ төлвөргүй тайлбарлагчаар хангагддаг юм байна лээ.Хойт чиглэлийн маршрут нь таныг Шерман Цэцэрлэгт хөтлөн аваачих бөгөөд энд Иргэний Дайнаас эргэж ирсэн дайчид ба алдартай хүмүүст зориулан бүтээсэн дурсгалын цогцолбортой танилцсаны дараа тэндээсээ Пенсилвани-авеню руу буцаж Лафауетте Цэцэрлэгт ирэн Анхны Дайчдын алдартай Дурсгалын Хөшөөнүүдтэй таницсанаар дуусах болно.Харин өмнөдийн маршрут нь Сонирхогчдын Төвөөс хөдлөх бөгөөд бодит дурсгалын хөшөөний нүүр царай болсон гайхамшигт Еллипсе мөн усан оргилуур бүхий задгай талбайгаар аялах бөгөөд Цагаан Ордны өмнө талын ногоон талбайг хашсан хүрэл хашаагаар таны аялал дуусах болно.Энэ 2 жимээс танд Америкийн Ерөнхийлөгчийн ажлын мөн байр болох Цагаан Ордон харагдах болно. Мөн энэ цэцэрлэг Ерөнхийлөгчийн уламжлал болон асаадаг Үндэсний Христмасийн Модыг гэрэлтүүлэх болон хамгаалах ажлыг хариуцдаг байна.

Цагаан Ордны Сонирхогчдын Төв /White House Visitor Center/
Уг төв үзэсгэлэн нь 1995 онд Пенсилвани-авею 1450-д нээгдсэн бөгөөд энд Цагаан Ордны талаар илүү их мэдлэг олгох ба сургалтын программ, бодит түүхэн үнэнийг тусгасан программ, лекцүүд , төрийн тэргүүний дээд хэмжээний уулзалтуудын тухай материал, дүрс бичлэгүүд , түүхэн өгүүлэлүүд , Ерөнхийлэгчдийн болон тэргүүн хатагтай нарын тухай сонирхолтой материалуудийг дэлгэн тависан байдаг юм билээ.Энд та Цагаан Ордны дотоод зохион байгуулалт ,тавилга бүхий өрөөнүүдийн тухай түүхэн материал, дүрс бичлэгүүдийг үзэж дотор орж үзсэн мэт сэтгэгдэлтэй буцах болно шүү. Сургуулийн группууд нь жинхэнэ түүхийн үзүүлэн болон сургалтын программуудийг үзэж сонсохын тулд урьдчилан захиалгаа өгөх шаардлагатай юм байна. Та илүү их мэдээлэл авахыг хүсвэл дараахь WEB -ээр зочилоход л хангалттай шүү. / www.nps.gov/whho / үргэлжлэл байгаа.Наваан